Påmeldingslink: https://docs.google.com/forms/d/e/1FAIpQLSfY9SkI_O5G23Q1DTFppBAykwWLENQ4OGfErlVEQgXbV_yJ6A/viewform

Til medlemmer i Hareid Idrettslag Fotball                                                                    12.11.2024

Sakliste og saksdokument til årleg møte i Hareid Idrettslag Fotball

Styret viser til innkalling til årleg møte i fotball og haustfest lagt ut på nettsida til Hareid IL Fotball, samt Facebook og mail. Det blir matøkt i forkant av valet. Saker må innmeldast seinast 19.november.

Årleg møte/Haustfest vert halde 26. november 2024 kl. 18 i Festsalen på klubbhuset, Myraveien 12.

Sakliste for årleg møte/haustfest:

Sak 1:                  Godkjenne dei med stemmerett

Sak 2:                  Godkjenne innkallinga

Sak 3:                  Godkjenne saklista

Sak 4:                  Val av dirigent

Sak 5:                  Val av referent

Sak 6:                  Val av to medlemmer til å underskrive protokollen

Sak 7:                  Fotballgruppa si årsmelding og rekneskap for 2024

Sak 8:                  Gruppene sine årsmeldingar og rekneskap for 2024  

Sak 9:                 Fastsette treningsavgifter for sesongen 2025                           
Sak 10:               Fastsette budsjett 2025 for Fotball                                                           

Sak 11:               Val av

11.1             Styreleiar – 1 år

11.2             Nestleiar – 2 år

11.3             Kasserar – 2 år

11.4             Sport 4 Ungdomsfotball – 2 år

11.5             Sport 5 Jentefotball – 2 år

11.6             Arrangement/jentefotball – 2 år

11.7             Anlegg- og Materiellansvarleg – 2 år

11.8             Valnemd

Vedlagt følgjande dokument: (kjem i forkant av årsmøtet)

• Fotball og gruppene sine årsmeldingar
• Fotball sitt rekneskap
• Saksdokument sak 9; treningsavgifter 2025
• Saksdokument sak 10; Budsjett for Fotball 2025
• Sak 11.1 – 11.7; Valnemnda sitt forslag
• Sak 11.8; Styret sitt forslag til nye medlemmer til valnemnd

Med helsing
Styret i Hareid IL Fotball

Hareid IL Fotball har motteke 500 000 kr i støtte frå Sparebankstiftinga Søre Sunnmøre. Midlane har gått til å fullføre tribuneprosjektet vårt, som no står klart til bruk. Støtta har vore viktig for å få realisert dette prosjektet, og vi takkar Sparebankstiftinga for deira engasjement og for å gjere det mogleg for oss å realisere denne draumen. Vi ser fram til å dele mange flotte stunder på den nye tribuna saman med dykk alle. Tusen takk for støtta!

Vår daglege leiar Thobias Thon hadde sin siste arbeidsdag for Hareid IL i dag. Han går vidare til nye utfordringar i Odda IL og vi i hovudstyret takkar han for innsatsen han har gjort for Hareid IL og ynskjer han lukke til vidare!

I fjor vart det ikkje store endringar på statistikkane, med varmt vér og ein liten dupp i deltakinga.

I år var det både fleire deltakarar og kaldare, noko som gjorde at det vart ein del endringar i statistikken i år.

Statistikken er faktisk delt inn i heile ni kapittel, og du kan navigere deg fram sjølv under «Nordvest Maraton» i menyen over (eller på sida) her.

Her kjem ei oppsummering av endringane på lista:

Heilmaraton:

* Hilmar Kråkenes frå Velledalen IL, gårsdagens vinnar, går inn på 13. plass på totalrankinga.

* Langt frå alle som deltok på heilmaraton for menn persa, men både Stian Skretting, Joachim Olsvik og Slawomir Lesniak klatra på lista.

* Gårsdagens to deltakarar for kvinner, Siv Grethe Hoff og Anna Pedersen, går inn som nummer ni og ti på samanlagtlista.

* Hilmar Kråkenes går også inn på sjuandeplass på rankinga for menn 45-49 år (med andre ord er dette ein klasse med mange som er gode på heilmaraton).

* Joachim Olsvik går inn på andreplass gjennom tidene i klasse 50-54 år. Olsvik slår her ganske mange kjende fjes frå maratonmiljøet opp gjennom åra, blant anna Helge Hafsås og Helge Fuglseth. Samtidig dett her Dag Harald Moldskred frå Hareid IL ut av topp 10-lista her.

* George Domaille frå Wakefield Harriers går inn på femteplass i klasse 17-34. Arve Haugland forsvinn dermed ut av topp 10-lista.

Halvmaraton:

* Blant kvinnene ser vi at Sissel Kleven frå Hasundgot IL klatrar frå tiande- til niandeplass for kvinner 45-49 år.

* Blant karane var det faktisk berre éin av dei seks fremste som persa i denne løypa, nemleg Sverre Hoggen. Han går opp på 20. plass på totalrankinga.

* Hoggen går samtidig inn som nummer åtte på rankinga for 35-39 år.

* Vidare persa ikkje Stian Nedrelid, men som alle andre blir han eldre. Og tida hans i går held til ein tredjeplass i den sterke klasse 45-49 år. Dette betyr samtidig at Hareid IL-legenda Gunnar Aursnes, som stod på drikkestasjon på Bigset i går, fell ut av topp 10-lista. Tida til Aursnes kom allereie i det første året løpet vart arrangert, i 1991.

* Per Inge Bjørnestad frå Velledalen IL går inn på femteplass i klasse 50-54. Også her fell Dag Harald «Dæja» Moldskred ut av topp 10-lista (!).

* Bjørn Ole Vassbotn hadde førsteplassen i klasse 55-59 år og har den framleis etter gårsdagens løp. Men han forbetra tida han hadde i denne klassen.

* I klasse 60-64 år går Bjørn Arve Brune inn på tiandeplass.

* For dei over 65 var Arild Stokke allereie inne på topp 10-lista, men tida hans i går gjer at han klatrar frå åttande- til sjetteplass.

OBS! Om nokon ser feil i statistikkane, så gjer vel i å kontakte oss på innboks på Hareid IL Nordvest Maraton på Facebook.

**

Vel, dette blir det siste innlegget frå redaksjonen i denne omgang.

Vi tenkte at vi skulle lage ei liste over alle som hjelpte til unders gårsdagens arrangement. Men i og med det var såpass mange som var med, og som ofte igjen hadde med seg sine etterkomarar osv., så ser vi at vi ikkje klarer å lage ei sånn liste utan stor fare for å gløyme nokon.

Så vi tenker berre at vi seier tusen takk til alle som bidrog. De veit kven de er!

Noko som er lettare å ramse opp er dei som sat i Nordvest Maraton sitt styre, eller arbeidsgruppe om du vil. For den har dei siste sju-åtte åra bestått av Vidar Vollsæter, Jon Kåre Mork, Kristian Angelsen, Henning Røyset, Bjarte Sunde og Einar Orten Trovåg.

Ei spesiell stor takk til Vidar Vollsæter som har vore løpsgeneral alle 34 åra løpa har gått.

Enkelte i styret har signalisert at dei no går av, men slik vi forstår stemninga blir det nok løp neste år også. Vi skal hugse at fire av dei fem siste løpa er inne på topp åtte-lista over løpa med best deltaking sidan starten i 1991, så det er ingen tvil om at Nordvest Maraton er inne i ein god stim.

At såpass mange unge deltek på både heil- og halvmaraton no ser ut til å bety at løpet har klart å kome seg gjennom eit generasjonsskifte på deltakarlista.

No kan det hende vi gløymer nokon i farta, men vi er faktisk usikre på om det var ein einaste deltakar i går som har delteke i Nordvest Maraton meir enn 15 gonger (sjølv om både Jan Endre Rise og Andreas Røren nærmar seg).

Vel. No let vi arrangørane få kvile litt. Så brukar dei som regel å samlast i oktober og deretter presentere ein dato og nokre planar for neste års løp.

Tusen takk til alle som deltok og heia i år, og ikkje minst alle som deltok med store og små oppgåver på arrangørsida!

(På fotoet over ser vi to av dei store Tartanmandag-profilane i aksjon: Sverre Hoggen (til venstre) og Stian Nedrelid. Begge har altså hevda seg sterkt på topplistene våre. Foto: Stig Hole)

Det kunne kanskje ha vore litt mindre vind enkelte stader, så forholda var ikkje 100 prosent optimale. Men ut frå den sterke påmeldinga (ikkje minst sterke etterpåmeldinga) og dei tilbakemeldinga vi fekk frå deltakarane ser det ut som årets Nordvest Nordvest vart ein braksuksess.

Som vanleg var det ikkje absolutt alle som påmelde som møtte opp, men av ein eller annan grunn var det mange som etterpåmelde seg i år.

Så vi enda faktisk opp med heile 87 deltakarar (85 som fullførte, 65 av dei på halv).

Ut frå deltakinga på heil og halv, som vi har statistikk for heilt tilbake til starten i 1991, var årets løp faktisk det åttande beste med omsyn til deltaking – av 34 moglege.

Ikkje verst med så mange andre liknande løp som blir arrangert i dag.

På heilmaraton var det 15 startande. Alle kom i mål, noko som faktisk ikkje er heilt vanleg på så lange løp.

Vinnar for menn vart ikkje heilt uventa Hilmar Kråkenes frå Velledalen. Han var også den einaste som sprang under tre timar.

Vi har ein mistanke om at litt mindre vind langs Snipsøyrvatnet kunne gjort tidene jamt over noko betre. Men slikt får ein ikkje gjort noko med i utandørsidrett…

På biletet (tatt av Stig Hole) ser vi forresten Kråkenes saman med Karl Idar Vik frå Syvde IL og Joachim Olsvik frå ÅFIK. Dei vart alle kretsmeistrar i forskjellige klassar.

Beste kvinne på heil vart Siv Grethe Hoff frå Bergsøy IL (foto under, også av Hole), som slo Anna Pedersen frå Wakefield Harriers med relativt liten margin til eit så langt løp å vere.

Åtte av dei 15 deltakarane gjorde seg fortent til KM-medalje. Dette var:

U20: Gull til Emil Olai Hasund og sølv til Mats Falk Skodjevåg. At to så unge karar gjer det så sterkt er kanskje det aller mest imponerande i dag! (Etter sigande er Skodjevåg den yngste som har fullført heilmaraton her nokon gong, og det på ei svært imponerande tid. Folk forstår sikkert kven tanta er…)

Menn 40-44 år: Gull til Karl Idar Vik.

Menn 45-49 år: Gull til Hilmar Kråkenes og sølv til Stian Skretting.

Menn 50-54 år: Gull til Joachim Olsvik.

Menn 55-59 år: Gull til Paul Johan Undheim.

Kvinner 50-54 år: Gull til Siv Grethe Hoff.

Halvmaraton for menn vart ikkje uventa dominert av Ørsta/Volda-området, Hareid og Velledalen.

Løparar frå Ørsta og Volda tok faktisk fem av dei seks øvste plassane. Ikkje uventa vart Sjur Haug best av alle. Han tok ikkje den mykje omsnakka Nordvest-rekorden på distansen, men ut frå forholda er det jo uansett enormt å springe på 1.12,08, eit hav framfor alle andre.

Jan Endre Rise vart beste Hareid-løpar på ein sterk fjerdeplass. Einar Orten Trovåg (Hareid IL) og Christer Paulsen (Hjørungavåg IL) sneik seg også inn på topp 15.

Beste kvinne på halvmaraton vart i år som i fjor Jodi Brautaset. Sissel Kleven frå Hasundgot vart nummer to.

Også kjekt å sjå at Hareid-duoen Cathrin Elvanes og Oda Renate Midtflø er tilbake i konkurranseform etter fødslar – og begge kom godt under to timar.

Ei stjerne i margen også til Dag Snipsøyr som fullførte halvmaraton som feltets eldstemann!

Mykje kunne sikkert vore nemnt. Vi får ikkje plass til alt i ein post som denne.

Men vi minner om at vikebladet.no har fleire fine reportasjar frå løpet. Vi reknar med kondis.no også kjem med noko etter kvart.

Dessutan har vi mange foto på vår eigen facebook-profil (Hareid IL Nordvest Maraton). Takk til Stig Hole, Torstein Holstad Sivertsen og Øystein Orten.

Vi skal få takka fleire viktige personar etter kvart. Vi har også litt statistikk på lur. Men no som vi nærmar oss Lotto-trekninga her på laurdagskvelden set vi strek for i dag.

Resultata ligg her.

Takk for i år så langt til deltakarar, arrangørar og publikum!

Sjekk som sagt Facebook-sida vår også søndag…

Treningstider gjeldande frå laurdag 24.august.

(Deltakarane blir lagt inn i RaceTracker seint fredag kveld her.

På den same sida kan du følgje resultata laurdag.)

Torsdag kveld klokka 21.00 stengde førehandspåmeldinga til Nordvest Maraton 2024.

Då var talet på påmelde 75.

Om dette blir det endelege talet til slutt er det ein auke på heile 16 frå i fjor, og det kan bli eit av dei 10 best besøkte løpa i arrangementet si 34 år lange historie (meir om det lenger nede).

Sidan talet på maratonarrangement i Møre og Romsdal har eksplodert dei siste åra, så seier arrangørane seg truleg godt nøgde med det.

I år er det til dømes (så vidt vi veit minst) fem løp i Romsdal som har halvmaraton på programmet, noko som truleg er grunnen til at det nesten ikkje er påmelde deltakarar frå Romsdal og Nordmøre i år (berre éi førehandspåmelding derifrå).

Det er i det heile sterk sunnmørsdomimans blant dei påmelde, med nokre slengarar frå Nordfjord og Austlandet.

Om det har å gjere med at Nordvest Maraton i år er KM på heilmaraton eller ei vitast ikkje, men det er i alle fall ein merkbar auke i talet på deltakarar på heil distanse i år. I år er talet 15 – så langt.

Ikkje sidan 2014 har talet på deltakarar her vore over 14.

Dei aller, aller fleste som melder seg på registrerer seg med klubb eller adresse. Vi har derfor ein påliteleg statistikk over kvar deltakarane kjem frå.

Vi merkar oss at Hareid IL har med to deltakarar på heil distanse, begge på KM-delen: Emil Olai Hasund (junior 18-19 år) og Stian Skretting (menn 45-49 år).

Dessverre er Hareid IL sin store løpsprofil Henrik Hareide Holstad ute med skade i år.

Men totalt sett er Hareid kommune godt representerte i år, samanlikna med den skuffande deltakinga i fjor.

Inkludert Hareid IL, berre Hareid eller Hjørungavåg IL er talet på Hareid-deltakarar per no 13.

Tidlegare i veka skreiv vi at det var fleire påmelde deltakarar frå utlandet enn Ulstein (fire mot to). Men ein deltakar frå Tyskland har trekt seg, så det blir tre deltakarar frå utlandet (pluss eventuelle etterpåmeldingar) og per no åtte frå Ulstein.

Etter Hareid og Ulstein legg vi merke til at Velledalen IL og ulike variantar av Ørsta IL og Ørsta-baserte Tartanmandag er godt representerte.

Ein av dei aller siste som melde seg på var forresten Sjur Haug frå Ørsta IL/Tartanmandag, som vann halvmaraton her både i 2020 og 2021. Han har også den nest beste tida på halvmaraton under Nordvest Maraton nokon gong.

Av tidlegare vinnarar ser vi også at blant andre Karl Idar Vik frå Syvde IL (vann heilmaraton i 2021) og Jodi Brautaset frå Ørsta (fleire gonger vinnar på halvmaraton er påmelde i år).

Totalt såg det slik ut då fristen for førehandspåmelding gjekk ut:

Halvmaraton: 55 (i fjor 44)

Heilmaraton: 15 (i fjor 10)

Mosjon utan tid: 5 (i fjor 5)

Det er alltids nokre få som melder seg på i sekretariatet på løpsdagen. Samtidig er det ikkje uvanleg at nokon får strekk på oppvarminga (er du plaga med dette; ikkje varm opp!) og ikkje kjem seg til startstreken.

Men vi kan minne om at om vi skulle klare 72 deltakarar på heil og halv (som vi har statistikk for tilbake til starten i 1991; mosjon utan tid kom først med i 2020) så vil løpet kome inn på topp 10-lista over dei med flest deltakarar i løpet si no 34 år lange historie.

Då gler vi oss til laurdag. All praktisk informasjon er å finne på denne sida. Og skulle du lure på noko, kontakt oss gjerne på Hareid IL Nordvest Maraton si innboks på Facebook.

Arbeidsgruppa til Nordvest Maraton hadde møte tysdag kveld, og her kjem litt info som du kan ha bruk for før Nordvest Maraton 24. august.

Det meste av relevant informasjon skal rett nok ligge her på heimesida. Men vi svarer her likevel ut nokre spørsmål som folk brukar å lure på.

Deltakarpremie: Alle som fullfører får medalje med eit fint lokalt motiv.

Det blir elles 1/3 premiering i alle klassar, inntil topp tre per klasse.

Det er eiga premiering for KM på heilmaraton.

Premieutdeling etter løpet: Blir i andre etasje på klubbhuset.

Sekretariat: Opnar klokka 09.30 på løpsdagen. (Også dette i andre etasje på klubbhuset)

Her hentar ein «chip» og startnummer.

Deltakarane bør helst møte seinast 30 minutt før start.

Påmelding: Førehandspåmeldinga per internett blir avslutta torsdag 21.00. Etter dette blir det ikkje mogleg å melde seg på digitalt. Men ein kan kome på løpsdagen og melde seg på i sekretariatet. Men ver då obs på eventuell kø.

Betaling skjer på følgjande måte:

Betaling til bankkonto: 3910 57 13774

Du kan også bruke Vipps: 117085

Pris:
350 kroner for heilmaraton
250 kroner for halvmaraton
250 kroner for mosjon utan tid

(NB. Har du heilårslisens kan du trekke frå 50 kr. Opplys om det når du betalar.)

Garderobar: Opnar også 09.30 på løpsdagen.

Vi har dusj til alle.

Toalett: Både i garderobane og på andre sida av klubbhuset (blir merka).

Kiosk: På klubbhuset i andre etasje.

Starten: Som vanleg startar heil 11.00 og halv 12.45. I klassen mosjon utan tid kan ein starte når ein vil, men det vanlege er å starte samtidig med heil klokka 11.00.

Løypa: Er som vanleg merka. Både med skilt kvar kilometer og med piler i asfalten/grusen på punkt der ein skulle vere i tvil. På heilmaraton spring ein to rundar rundt stadion i starten, tre halvvegs og éin til slutt. Halvmaraton startar med to rundar og blir avslutta med éin på stadion. Speaker vil også minne løparane på dette før start.

Drikkestasjonar: Bigset bedehus, Kvammen og Røyset (ca. 5, 10 og 15 kilometer) + inne på stadion (så undervegs i løpet blir det altså tre drikkestasjonar for halv og sju for heil).

Resultatliste: Tidene vil kome på RaceTracker. Lenke til listene vil kome her på sida og på Facebook når det nærmar seg.

Dekning: Vi kjem til å legge ut ein del bilete på Facebook-profilen vår, i tillegg til å ha ei lita oppsummering her på sida etter løpet. Om nokon ikkje vil bli fotografert, ta kontakt med oss. Vi reknar også med det kjem reportasjar på kondis.no og diverse lokale aviser etter løpet.

Noko meir folk lurer på?

Send oss gjerne ei melding på Facebook-profilen vår.

Hjartelege velkomne til Hareid laurdag 24. august!

Nordvest Maraton blir arrangert på Hareid laurdag 24. august i år for 34. gong.

Det har tidlegare i år blitt arrangert KM på halvmaraton på Vartdal.

Nordvest Maraton fekk spørsmål frå aktuelle deltakarar om å arrangere KM på heilmaraton, noko friidrettskretsen har sagt ja til.

Det blir dermed moglegheit til å bli kretsmeister i heilmaraton på Hareid i år, slik det også var i 2021 og 2022.

Klassane er desse: 18-19 år (U20), junior 20-22 år (U23), senior, 35-39 år, 40-44 år, 45-49 år, 50-54 år, 54-59 år, 60-64 år, 65-70 år og så vidare heilt opp til 90 år og eldre.

Dei som deltek i KM må vere medlem i ein klubb som er medlemmar i friidrettskretsen i Møre og Romsdal.

Påmeldingsskjemaet som allereie har lagt ute ei stund er no oppdatert: https://www.hareidil.no/pamelding/ 

Dei som allereie har meldt seg på heilmaraton og som har registrert seg for ein klubb i Møre og Romsdal, treng ikkje om å gjere noko.

Dersom nokon som allereie er påmelde vil endre til klubb i Møre og Romsdal, så ta kontakt med arrangørane.

Fotoet: Nummer 2 og 1 i KM på heilmaraton menn 40-44 år i 2021, Øystein Mårstøl, Ørsta IL og Karl Idar Vik, Syvde IL.

Det er berre fire veker og éin dag til startskotet går, så no begynner det alvorleg å nærme seg seinsommarens store høgdepunkt på søre Sunnmøre.

Derfor passar det fint at påmeldinga til årets løp har starta.

Du finn skjemaet i menyen eller her.

Legg merke til at førehandspåmeldinga blir avslutta klokka 21.00 torsdag 22. august, altså to dagar før løpet.

Ein kan (gebyrfritt) melde seg på også i sekretariatet på løpsdagen, men då må ein ta høgde for at det kan bli litt kø.

Elles oppmodar vi alle om å utforske alt vi har under «Nordvest Maraton» i menyen på denne sida. Der ligg løypeskildring, generell informasjon, statistikk og mykje anna. (Det ligg også informasjon i sjølve påmeldingsskjemaet).

Vi kjem også med jamne mellomrom med oppdateringar på Facebook-sida vår Hareid IL Nordvest Maraton . Det inkluderer både relevant informasjon og meir uformell førehandsinfo.

Skrik også ut i innboksa på Facebook-sida dersom nokon har spørsmål om løpet.

Lykke til og vel møtt når den tid kjem!

NB. Vi har fått spørsmål frå nokre delatakarar om Nordvest Maraton i år kan arrangere KM for heilmaraton, sidan det ikkje var på Vartdal i år (dei hadde halv). Vi har søkt kretsen om dette, og avventar svar derifrå. Vi oppdaterer når vi veit meir.

Laurdag 24. august blir Nordvest Maraton på Hareid arrangert for 34. gong.

PRESSEMELDING

Nordvest Maraton har blitt kalla det vakraste løpet i Norge. Og det er ikkje vanskeleg å tenke seg kvifor. Løypa går i naturskjønne omgjevnader i Hareid kommune. Ein skal til dømes springe langs Grimstadvatnet og rundt nesten heile Snipsøyrvatnet, to turistattraksjonar. Og ikkje berre er det mykje flott natur å sjå på. Du får også oppleve ei variert løype med både grus og asfalt (og bittelitt tartan), der det både går mykje bortover og litt opp og ned her og der.

Etter at løypa vart lagt om i 2014 startar ein på Hareid stadion, tek Rotary-stien (grus) fram til Kaldholen, spring deretter rundt det idylliske Snipsøyrvatnet (asfalt) før ein spring Kaldholvegen (grus) ned til Hareid kyrkje, før ein svingar seg tilbake mot Hareid stadion. Dei som spring full distanse skal gjennom denne flotte løypa to gonger. Detaljert løypeskildring finn ein på heimesida.

God deltaking

Nordvest Maraton har hatt sine bølgedalar i deltakinga gjennom 33 år, men har opplevd veldig god framgang dei siste åra. I 2020 fullførte 113 deltakarar halvmaraton og 14 på heil – det (127) var ny rekord! Både 2021- og 2022-utgåvene av løpet kom inn på topp seks-lista over dei best besøkte utgåvene.

I 2023 kom det ein liten dupp, noko som truleg både skuldast varmen og kollisjon med Saudehornet Rett Opp. Men i år er Nordvest Maraton flytta ei veke, så det kolliderer ikkje med det arrangementet. Og det blir vel neppe 28 gradar i år også?

Det blir i år som dei fire siste åra også ein trimvariant utan tid – 8 eller 21 kilometer.

Hafsås i tet

Det viktigaste med Nordvest Maraton er jo sjølvsagt å få med seg breidda.

Men ein kjem heller ikkje vekk frå at nokre er meir ambisiøse enn andre.

På heil distanse er det ingen som har vore kjappare enn Helge Hafsås frå Olden, som sprang i mål på tida 2.33,03 i 2006. Det var i den gamle løypetraseen. Løyperekorden for kvinner var det Hareid ILs eiga Therese Falk som sette i 2021. Tida ho fekk laud på 3.08,05.

Berry van den Bosch, Strindheim er beste kvinne på halv distanse. I 1996 fekk ho tida 1.28,08. Beste mann på halv distanse er Oddbjørn Skogen, som i første året løpet var arrangert (1991) slo til med tida 1.09.35.

Men i 2021 var ikkje ørstingen Sjur Haug langt unna å ta den, då han sprang inn på 1.09,50. Kanskje nokon prøver seg på Skogen sin «uslåelege» rekord i år?

Lokale eldsjeler står bak

Nordvest Maraton har sidan starten i 1991 vore leia av fleire lokale eldsjeler. Fleire av dei er med framleis. Styret har sidan 2017 bestått av Vidar Vollsæter, Jon Kåre Mork, Bjarte Sunde, Henning Røyset, Kristian Angelsen og Einar Orten Trovåg.

I tillegg bidreg ei rekkje andre personar på ulike måtar før og under arrangementet.

Påmelding

Påmeldinga i år startar 1. august. Følg med på https://www.hareidil.no/pamelding/.

Førehandspåmeldinga stenger klokka 21.00 torsdag 22. august. Det er mogleg å melde seg på i sekretariatet på løpsdagen, men det beste er om flest mogleg melder seg på i god tid.

Anna

Det blir i år som i fjor ei staseleg premieutdeling.

Alle får ein flott deltakarmedalje. I tillegg blir det premiering av topp tre i kvar klasse.

Kor vidt premieutdelinga blir inne på klubbhuset eller ute på stadion kjem vi tilbake siste veka før løpsstart.

For statistikk, rekordar, kart og anna relevant informasjon, så sjekk i menyen her på heimesida.

Heilmaraton startar klokka 11.00, halv klokka 12.45. Dei i mosjonsklassa kan starte når dei sjølv ønskjer det, frå klokka 11.00.

Vel møtt!

(PS. Vi kjem som vanleg med «siste info» her på sida nokre dagar før løpsstart. Enn så lenge: Følg oss gjerne også på sosiale medium. Sida vår på Facebook heiter «Hareid IL Nordvest Maraton».)

Ulstein Group har valgt å forlenge avtalen som hovedsponsor med Hareid IL, og fortsette det gode samarbeidet til ut 2024 i første omgang. Vi er veldig takknemlige for det, og at de ser nytten av å kunne tilby et godt og bredt aktivitetstilbud til regionen.

Konsernsjef hos Ulstein Group, Gunvor Ulstein, sier følgende:

Vi støttar Hareid IL sitt langsiktige og målretta arbeid – fleire hundre born og unge vert haldne i jamleg aktivitet som gir glede og læring. Trygge oppvekstvilkår er med på å utvikle bulyst og ein attraktiv region, noko som gjer dette samarbeidet viktig for oss.

Vi takker Ulstein Group for støtten og ser frem i mot et godt samarbeid.

Hareid Group har valgt å forlenge avtalen som hovedsponsor ut 2024. Vi er veldig fornøyd med at en så stor aktør fra Hareid er med oss videre og støtter opp under lokalsamfunnet, og idretten. Vi har hatt et godt samarbeid med Hareid Group i flere år, og ser frem mot forhåpentligvis et videre godt samarbeid!

Hareid Group sier dette om avtalen:

At Hareid er ein god og attraktiv plass å bu er viktig for oss i Hareid Group. Hareid IL skaper mangfaldig aktivitet, tilhøyregheit og trivsel i lokalsamfunnet vårt, og vi er stolte og glade for å framleis kunne bidra som hovudsponsor til idrettslaget. Hareid IL står for verdiar som vi i Hareid Group identifiserer oss med, og innsatsen som vert lagt ned i idrettslaget er viktig for å skape ei berekraftig framtid både for Hareid-samfunnet og for oss som driv næringsverksemd her, seier konsernsjef Olav Haug Vikebakk.

Vi takker for støtten!

Vedlagt ligg saksdokument til årsmøte onsdag 20.mars kl. 18.00

Årsmøte blir gjennomført fysisk på Hareid IL sitt klubbhus.

Friidrett:

Handball:

Trim:

Turn:

Badminton:

Fotball:

Hareid IL og Bygger`n Hareid har inngått et samarbeid som gir Hareid IL sine medlemmer gunstige rabatter.

Det eneste du trenger å gjøre er å oppgi at du er medlem av Hareid IL ved registrering av handel over disk.

Vi er veldig takknemlige for at Bygger`n vil tilby våre medlemmer gunstige priser og rabatter, og gjør at det lønner seg å handle lokalt!

Bygger`n sier dette om avtalen: «Vi er stolte over å kunngjere vårt nye samarbeid med Hareid IL. Dette er ein del av vårt arbeid og engasjement for å skape eit berekraftig lokalsamfunn for oss og framtida. Vår støtte til idretten er ei forlenging av vår kampsak for byggeglede og praktiske fag, og vi håpar vi gjennom denne avtalen kan inspirere til felleskap, samarbeid og glede, verdiar som vi set høgt i Byggern`n. Vi har og trua på at denne investeringa bidreg til å fremje lokal handel og økonomisk vekst i Hareid. «

Det vert med dette kalla inn til årsmøte i Hareid Idrettslag 20. mars 2024 kl 18.00 i festsalen på klubbhuset, Myravegen 12.

Sakliste:

 1. Godkjenne dei som har røysterett

2. Velje dirigent(ar)

3. Velje protokollførar(ar)

4. Velje to medlemmer til å underskrive protokollen

5. Godkjenne innkallinga

6. Godkjenne saklista

7. Godkjenne forretningsordenen

8. Handsame årsmeldinga frå idrettslaget

9. Handsame rekneskapen til idrettslaget, den økonomiske meldinga frå styret, meldinga frå kontrollutvalet og meldinga frå revisor

10. Handsame forslag og saker

11. Fastsette medlemskontingent , og treningsavgift, eller gje fullmakt til å fastsetje treningsavgifter

12. Vedta budsjettet til idrettslaget

13. Handsame organisasjonsplanen til idrettslaget

14. Gjere følgjande val:

a) styre med leiar, nestleiar, 3-6 styremedlemmer og 2 varamedlemmer

b) kontrollutval med 2 medlemmer og minst 1 varamedlem

c) representantar til ting og møte i dei organisasjonsledda der idrettslaget har representasjonsrett, eller gje styret fullmakt til å nemne opp representantane

d) valkomité med leiar, to medlemmer og éin varamedlem

e) eventuelt andre val i samsvar med organisasjonsplanen til idrettslaget Leiarar og nestleiarar skal veljast enkeltvis. Dei andre medlemmene skal veljast samla. Deretter skal varamedlemmene veljast samla. Der det blir valt fleire varamedlemmer, skal det veljast 1. varamedlem, 2. varamedlem osv.

15. Engasjere revisor til å revidere rekneskapen til idrettslaget.

Saker som ein ynskjer handsama må vere styret ihende  innan 6.mars 2024.

Årsmøtedokumenta vert gjort tilgjengelege på hareidil.no seinast 13.mars 2024.

Årlege møter i dei ulike gruppene vert gjennomførte slik:

Friidrett: 20.februar kl 19.00 i Basishallen

Handball: 26.februar kl 20.00 i Klubbhuset

Turn: 28. februar kl 20.00 i  Basishallen.

Trim: 7.mars kl 19.00 i Klubbhuset

Hareid IL

Hovudstyret

Blink Hus Søre Sunnmøre er med som samarbeidspartner i tre nye år. Vi er veldig fornøyde med å ha med lokale aktører videre. Det gir oss muligheten til å fortsette å tilby kommunens innbyggere det allerede gode tilbudet vi har i Hareid IL.

Selv sier Terje Giskeødegård Balsnes, daglig leder i Blink Hus Søre Sunnmøre dette om avtalen:

«Det er særs viktig for oss i Blink Hus Søre Sunnmøre å bidra til det lokale idretts- og kulturlivet i Hareid, og det er difor heilt naturleg for oss å halde fram som sponsor for Hareid IL. Vi veit kor mykje (frivillig) arbeid som blir lagt ned i lag og anlegg, og vil med dette gjerne vise at vi set pris på dette viktige arbeidet for kommunen! Hald fram som de stemnar!»

Vi takker for støtten og ser frem mot godt samarbeid i årene fremover!

Det vert Trenar- og Lagleiarmøte onsdag 31.januar kl.18 i Festsalen på klubbhuset. Alle lag må stille med 1 trenar og 1 lagleiar.

Agenda vedlagt.